Novyja staŭki ŭrad zaćvierdziŭ pastanovaj №758 ad 27 śniežnia. Takim čynam, praktyčna na pałovu buduć źnižanyja pošliny na syruju naftu, mazut, naftavy bitum, vazielin, parafin i adpracavanyja naftapradukty — z 77,5 dalaraŭ da 46,7 za adnu tonu, piša Sputnik.by.
Staŭka na pramahonny bienzin, jakaja ŭ śniežni składała 42,6 dalara za tonu, źmienšanaja da 25,6 dalara. Vyvaz tavarnych bienzinaŭ, dyzielnaha paliva, lohkich i siarednich dystylataŭ, bienzołu, tałuołu, ksiłołu i zmazačnych alejaŭ ciapier budzie kaštavać 14 dalaraŭ za tonu. U śniežni jon składaŭ 23,2 dalara.
Staŭki vyvaznych mytnych pošlin mianiajucca kožny miesiac. U Biełarusi ekspartnyja pošliny na naftu i naftapradukty ŭ apošni čas źnižalisia — paśla taho, jak niekalki miesiacaŭ zapar mianialisia ŭ bok pavieličeńnia.
