Delfi.lt
Kiraŭnik kampanii «Litoŭskaja čyhunka», jakaja znachodzicca ŭ dziaržkiravańni, Mantas Bartuška pakinie svaju pasadu 3 studzienia, piša Delfi.lt.
Rada dyrektaraŭ kampanii ŭ sieradu zaćvierdziła skasavańnie pracoŭnaj damovy pa pahadnieńni bakoŭ. M. Bartušku źmienić časovy kiraŭnik — Ehidyjus Łazaŭskas, jaki ŭznačalvaje daččynuju kampaniju pa hruzapieravozkach LTG Cargo.
U pres-relizie kampanii adznačajecca, što E. Łazaŭskas byŭ abrany z-za jaho dośviedu raboty i hatoŭnaści kiravać kampanijaj padčas pieramienaŭ.
Łazaŭskas adznačyŭ, što ciapier «Litoŭskaja čyhunka» sutykajecca z surjoznymi vyklikami: vyrašyć prablemu tranzitu biełaruskich uhnajeńniaŭ i dyviersifikavać dziejnaść kampanii. Konkurs na zamiaščeńnie pasady kiraŭnika kampanii budzie abvieščany ŭ najbližejšy čas.
Raniej praź situacyju ź biełaruskimi hruzami padavali ŭ adstaŭku kiraŭniki ministerstvaŭ zamiežnych spraŭ i transpartu Habryelus Łandśbierhis i Maryjus Skuodzis, ale jana nie była pryniataja.
Łukašenka pryhraziŭ pierakryć tranzit Litvie
U Litvie damovu z «Biełaruśkalijem» pryznali pahrozaj dla biaśpieki krainy
«Prymiem miery ŭ adkaz», — Hałoŭčanka pra mahčymaje spynieńnie tranzitu uhnajeńniaŭ z boku Litvy
