Ab hetym ministr pa padatkach i zborach Siarhiej Nalivajka raspavioŭ u efiry telekanała «Biełaruś 1», piša BiełTA.
«Kali kazać pra transpartny padatak, to, pavodle infarmacyjnych baz, my bačym, što 2,2 młn płacielščykaŭ pavinny buduć zapłacić hety padatak. Uličvajučy, što ŭ hetym hodzie płacicca tolki avansavy płaciež, paviedamleńnie my nakiravali 1,3 młn płacielščykaŭ, astatnija 900 tys. — heta albo lhotniki, albo tyja, chto vypłačvaŭ dziaržpošlinu za 2021 hod. Ahulnaja suma naličeńnia avansu ŭ nas składaje 42 młn rubloŭ, jašče zastajecca nieapłačanaj nievialikaja suma, jakuju albo pa niepamiatlivaści, albo pa niejkich, moža być, navat materyjalnych ciažkaściach, ludzi nie apłacili, ale, jak praviła, bolš za 80% z tych, chto nie apłaciŭ, paśla napaminańnia apłačvajuć», — adznačyŭ ministr.
«Kali kazać pra padatkaabkładańnie kvater, to heta nie novy płaciež, heta prosta admiena lhoty, jakaja mnohija hady isnavała. Pavodle našych acenak, a heta taksama budzie avansavy płaciež, my dadatkova atrymajem paradku 45 młn.
Što tyčycca źmianieńniaŭ u padatkaabkładańni elektronnaha handlu, to chaču patłumačyć: tut atrymlivajecca, što našy subjekty haspadarańnia płaciać usie płaciažy, praduhledžanyja zakanadaŭstvam, toj ža padatak na dadanuju vartaść, a ŭ niekatorych markietpłejsaŭ źjaŭlajecca mahčymaść jaho nie vypłačvać, i dla taho, kab likvidavać hety dysbałans, pryniataje rašeńnie z 1 lipienia 2022 hoda ŭvieści padatak na dadanuju vartaść dla takoha kštałtu markietpłejsaŭ. Čamu nie z 1 studzienia, a z 1 lipienia? Prosta dajecca paŭhadavy časavy adrezak dla taho, kab adaptavalisia hulcy na rynku», — raspavioŭ Siarhiej Nalivajka.
Za košt hetych novaŭviadzieńniaŭ płanujecca atrymać dadatkovyja pastupleńni ŭ pamiery kala Br20 młn.
