Fota: depositphotos.com
Paśla razhladu zvarotaŭ biełaruskaje hramadzianstva atrymali amal 1,6 tysiačy inšaziemcaŭ, ź ich bolš za 1,4 tysiačy ‒ z Ukrainy.
«Usie materyjały płanujecca apieratyŭna vyvučyć i nakiravać u Administracyju Prezidenta dla dalejšaha razhladu Kamisijaj pa pytańniach hramadzianstva i dakłada kiraŭniku dziaržavy», — adznačyŭ načalnik Departamienta pa hramadzianstvie i mihracyi MUS Alaksiej Biahun.
Načalnik DHiM źviarnuŭ uvahu: z pryčyny abstavin nie ŭsie inšaziemcy, jakija pažadali atrymać hramadzianstva Biełarusi, mohuć admovicca ad svajho ciapierašniaha hramadzianstva, što zjaŭlajecca biezumoŭnym patrabavańniem biełaruskaha zakanadaŭstva.
«Razam z tym u adpaviednaści z pałažeńniem ab paradku razhladu pytańniaŭ, źviazanych z hramadzianstvam Respubliki Biełaruś, zaćvierdžanym adpaviednym ukazam, zajaŭnik moža pradstavić u orhany ŭnutranych spraŭ pa miescy pryjomu dakumientaŭ na nabyćcio biełaruskaha hramadzianstva matyvavanuju zajavu, u jakoj paznačaje pryčyny i abstaviny, jakija pieraškadžajuć vychadu z hramadzianstva hramadzianskaj prynaležnaści», — udakładniŭ pradstaŭnik DHiM.
U kožnym vypadku orhany ŭnutranych spraŭ vynosiać zaklučeńni, rychtujuć materyjały i nakiroŭvajuć ich u MUS.
