Fota: depositphotos.com
Na Kastryčnickaj płoščy tradycyjny «Kaladny kirmaš» adkryjecca ŭ piatnicu, 17 śniežnia. Pracavać kirmaš budzie zhodna z hrafikam:
- 17-23 śniežnia — z 12:00 da 20:00;
- 24-30 śniežnia — z 12:00 da 23:00;
- u śviatočny dzień i navahodniuju noč — z 12:00 31 śniežnia i da 4:00 1 studzienia;
- u 2022 hodzie kirmaš na Kastryčnickaj płoščy budzie pracavać da 14 studzienia ŭklučna z 17.00 da 20.00 štodnia.
U kirmašovych paviljonach na Kastryčnickaj płoščy možna budzie nabyć charčovyja i niecharčovyja tavary pieravažna biełaruskaj vytvorčaści: padarunki, suvieniry, jołačnyja ŭpryhažeńni, padarunkavyja nabory. Šyroka budzie pradstaŭlenaja pradukcyja ad staličnych kulinaraŭ i kandytaraŭ: haračyja bliny, draniki z roznymi načynkami, stravy z bulby, śviežaja vypiečka, prysmaki, haračy šakaład, kakava, kava, čaj i hlintviejn.
Kab pačastavać pakupnikoŭ, jakija trymajuć Kaladny post, i dla dziaciej padrychtujuć śpiecyjalnaje mieniu.
Druhaja bujnaja kirmašovaja placoŭka ŭ centry Minska tradycyjna raźmieścicca kala Pałaca sportu pa adrasie pr. Pieramožcaŭ, 4.
Tut zabaŭlać i častavać minčan i haściej biełaruskaj stalicy buduć kala 40 pryvatnych pradpryjemstvaŭ.
Kirmaš budzie pracavać z 17 śniežnia pa 16 studzienia:
- u budnija dni — z 14:00 da 22:00, a ŭ vychadnyja — z 12:00 da 23:00;
- u navahodniuju noč «Kirmaš» čakaje haściej da čaćviortaj hadziny ranicy.
U zonie fud-korta možna budzie pačastavacca dranikami i blinami z roznymi načynkami, smažanymi ślimakami, burhierami, chot-dohami, šašłykami, zapiečanym miasam, haračym hlintviejnam.
