Jak udakładniła sinoptyk Šviedskaha instytuta hidrałohii i mietearałohii (SMHI) Ema Cherenstam, apoŭdni zafiksavali značeńnie na ŭzroŭni minus 42,7 hradusa. U druhoj pałovie dnia tempieratura apuściłasia amal da 44 hradusaŭ marozu. Sinoptyki nie vyklučajuć, što ŭ aŭtorak, 7 śniežnia, jana praciahnie padzieńnie i pabje novyja rekordy. U sieradu ŭ Najmaku, jak i ŭ astatniuju častku Šviecyi, pryjdzie paciapleńnie.
Najmaka — u zimovy čas adno z samych chałodnych miescaŭ u Šviecyi. Pasiołak znachodzicca prama na miažy, na poŭnačy krainy, dabracca da jaho možna tolki praź Finlandyju. U nasielenym punkcie pražyvajuć ŭsiaho dva čałavieki. Na poŭnačy Šviecyi ŭ metach biaśpieki prypynili ruch ciahnikoŭ.
Na poŭnačy Finlandyi taksama chałodna, tam da minus 30. Chaładaje i ŭ Biełarusi. Pavodle prahnozaŭ sinoptykaŭ, siońnia viečaram u Minsku słupok termomietra apuścicca da minus 10, a ŭnačy budzie jašče chaładniej.
