Delfi.lt
«Tam stajać dva maje ciahačy z kiroŭcami. U minułuju piatnicu da miažy im zastavałasia mienš za 5 km, učora 160 m, a ŭčora ŭviečary, u 23 hadziny, pieršaj mašynie ŭdałosia pierasiekčy miažu. Kiroŭca prastajaŭ la miažy 8 sutak. Inšy ciahač pryjechaŭ niadaŭna, kali ničoha nie źmienicca, na hetym tydni jon nie pierasiače miažu», — skazaŭ surazmoŭca.
Pa słovach Klimavičusa, u paniadziełak za 19:00 druhi ciahač prasunuŭsia tolki na 340 m, a paśla abiedu čatyry hadziny čarha naohuł nie ruchałasia.
«Navat nie vielmi pryjemna telefanavać kiroŭcam, jany złujucca. Ja razumieju ich situacyju, vielmi ciažka stolki času pravieści ŭ kabinie, nikudy nie jechać. Bo tam niama mahčymaści ni pamycca, ni ŭ prybiralniu schadzić, ni pajeści», — zaŭvažyŭ pradstaŭnik kampanii.
Hiendyrektar Litoŭskaj nacyjanalnaj asacyjacyi Linava Zianonas Bujvidas zaŭvažyŭ, što situacyja nienarmalnaja. «My pastajanna kantaktujem ź pieravozčykami, jakija stajać la miažy. Situacyja niezajzdrosnaja. Užo ciapier vialikaja častka vadzicielaŭ vybiraje inšyja KPP, ale asabliva vialikaha vybaru niama», — zaŭvažyŭ jon.
