U minskim aeraporcie 61-hadovy mužčyna, jaki nakiroŭvaŭsia na rejs «Minsk — Stambuł», abraŭ pry pierasiačeńni mytnaj miažy «zialony» kalidor, zajaviŭšy tym samym ab adsutnaści tavaraŭ, jakija padlahajuć dekłaravańniu. Pry praviadzieńni mytnych apieracyj siarod asabistych rečaŭ, u škarpetkach, byŭ znojdzieny albom, u jakim znachodziłasia 47 maniet.
Jašče 35 maniet hramadzianin schavaŭ ad mytnaha kantrolu ŭ čamadanie, abmataŭšy žoŭtym skotčam. Padčas dalejšaha adhladu ŭ vonkavaj kišeni kurtki vyjaŭlena jašče 29 maniet.
Ekśpiert mytnaj łabaratoryi ŭstanaviŭ, što pradstaŭlenyja maniety adnosiacca da katehoryi kulturnych kaštoŭnaściaŭ.
Ekśpiertam udałosia vyśvietlić, što bolšuju častku składajuć «trajaki» («trochhrašoviki»), adčakanienyja sa srebra na manietnych dvarach VKŁ i Rečy Paspalitaj u XVI-XVII st.st. Samaj kaštoŭnaj i darahoj manietaj źjaŭlajecca «trajak» 1580 hoda z partretam karala Stefana Batoryja koštam zvyš $2,3 tys.. Samaja staraja manieta - «hroš» - adčakanienaja ŭ Vilni ŭ 1556 h. pry vialikim kniazi Žyhimoncie II Aŭhuście. Jaje košt — bolš za $2 tys. Častka maniet adčakanienaja ŭ Rasijskaj impieryi ŭ pieršaj pałovie XIX st.
111 maniet kanfiskavanyja da rašeńnia suda. Mužčynie pahražaje štraf da 30 bazavych i mahčymaja kanfiskacyja tavaru.
