Fiederalnaja palicyja Hiermanii paviedamiła ab dalejšym roście kolkaści nielehalnych biežancaŭ ź Iraka, Siryi i inšych dziaržaŭ, jakija prybyli ŭ Hiermaniju praz terytoryju Biełarusi. Adpaviednaje paviedamleńnie vypuściła ŭ paniadziełak, 11 kastryčnika, upraŭleńnie Fiederalnaj palicyi ŭ Bierlinie.
Tolki ŭ fiederalnaj ziamli Brandenburh u kancy minułaha tydnia było zafiksavana 392 biežancy, što nielehalna pierasiekli polska-niamieckuju miažu. Heta novy maksimum — tydzień tamu kolkaść mihrantaŭ skłała 251.
Usiaho z pačatku hoda i pa stanie na 10 kastryčnika ŭłady naličyli 2603 nielehalnych mihrantaŭ, jakija prybyli ŭ Niamieččynu, 810 ź jakich pierasiekli miažu na tydni z 4 pa 10 kastryčnika. Jak praviła, havorka idzie pra ŭciekačoŭ ź Iraka, Siryi, Irana i Jemiena, jakija prybyvajuć u Jeŭropu z terytoryi Biełarusi.
