Premiju ŭ halinie ekanomiki atrymajuć kanadska-amierykanski vučony Devid Kard, a taksama amierykancy Džošua Anhryst i Hvida Imbiens.
U paviedamleńni adznačajecca, što jany ŭznaharodžany za «revalucyju ŭ empiryčnych daśledavańniach u halinie sacyjalnych navuk, što značna palepšyła zdolnaść daśledčykaŭ adkazvać na pytańni, jakija majuć vialikaje značeńnie dla ŭsich nas».
Nobieleŭskaja premija pa ekanomicy — adzinaja, nie paznačanaja ŭ zaviaščańni Alfreda Nobiela. Aficyjna jana nazyvajecca premijaj šviedskaha Dziaržaŭnaha banka pa ekanamičnych navukach pamiaci Alfreda Nobiela.
U 1968 hodzie ŭ honar svajho 300-hodździa Centralny bank Šviecyi achviaravaŭ Nobieleŭskamu fondu bujnuju sumu hrošaj na toje, kab zasnavać jašče adnu premiju — pa ekanamičnaj navucy.
Łaŭreata ekanamičnaj premii vybiraje Šviedskaja akademija navuk. Jana kirujecca tymi ž praviłami, što i pry ŭznaharodžańni vydatnych rabot u inšych navukovych dyscyplinach.
