Biełaruś nie ekspartuje les u vyhladzie syraviny — tolki paletnuju narychtoŭku i piłamateryjały. Pra heta zajaviŭ ministr lasnoj haspadarki Vital Drožža ŭ efiry telekanała STB.
«Ja absalutna adkazna zajaŭlaju, što nivodnaha kuba draŭniny z krainy nie vyvozicca. Bolš za toje, my siońnia havorym pra toje, što ŭžo doška — heta paŭfabrykat, i jaho taksama nie treba vyvozić».
U cełym, što tyčycca ekspartu, to lasnaja haspadarka Biełarusi ŭžo vykarystała situacyju, kali byli vysokija ceny na taki tavar, atrymaŭšy maksimalny zarobak. Ciapier, pa słovach ministra, pik užo projdzieny, adbyvajecca adkat pa canie.
«My syravinu nie ekspartujem, my ekspartujem paletnuju narychtoŭku i piłamateryjały», — jašče raz padkreśliŭ Vital Drožža. Ekspart doški da ŭzroŭniu minułaha hoda (za 9 miesiacaŭ) źniziŭsia na 5%. Na fonie hetaha padymajecca spažyvańnie pradukcyi arhanizacyj Ministerstva lasnoj haspadarki ŭnutry krainy.
Što tyčycca asobnych zaŭvah žycharoŭ, jakich turbuje rost vysiečki lesu, ministr zapeŭniŭ, što dla hetaha jość navukovaje abhruntavańnie. «Les maje ŭzrost, paśla jakoha iduć naturalnyja pracesy raspadu. Kali svoječasova nie źniać uradžaj, adbudziecca naturalny raspad drevastoju», — skazaŭ jon.
