Jak tłumačyć Minfin, źmienami ŭ Padatkovy kodeks prapanujecca pašyryć koła samazaniatych i «značna spraścić administravańnie ich dziejnaści».
Chto zmoža stać samazaniatym?
U pieralik vidaŭ dziejnaści dadatkova ŭklučany:
— łandšaftnaje prajektavańnie;
— kurjerskaja dziejnaść (dziejnaść pa dastaŭcy tavaraŭ, pasyłak, pakietaŭ);
— čystka sałonaŭ transpartnych srodkaŭ;
— dohlad mohiłak;
— arenda, prakat zabaŭlalnaha i spartyŭnaha abstalavańnia (rovary, kańki, turystyčnaje abstalavańnie i inš.).
Što źmienicca ŭ padatkaabkładańni?
U 2022 hodzie samazaniatyja buduć płacić adziny padatak. A dalej ich čakajuć źmieny.
Z 2023 hoda samazaniatyja hramadzianie buduć płacić padatak na prafiesijny dachod (PPD) u pracentach ad atrymanych dachodaŭ na padstavie ličbavaj płatformy, jakaja dazvalaje ažyćciaŭlać pryjom bieznajaŭnych płaciažoŭ.
Vypłata PPD zamienić vypłatu padachodnaha padatku ź fizičnych asob, a taksama abaviazkovych strachavych uznosaŭ u fond sacyjalnaj abarony nasielnictva (dla fizičnych asob, jakija pryznajucca płacielščykami takich uznosaŭ).
Chto budzie płacielščykam PPD?
Płacielščykami PPD buduć samazaniatyja hramadzianie, to-bok fizičnyja asoby, jakija atrymlivajuć prafiesijny dachod ad dziejnaści, pry viadzieńni jakoj jany nie majuć pracadaŭcy i nie pryciahvajuć fizičnych asob pa pracoŭnych damovach i (abo) pa hramadzianska-pravavych damovach, a taksama dachod ad vykarystańnia majomaści.
Samazaniatyja zmohuć zajmacca lubymi vidami dziejnaści, akramia zabaronienych (zabaronienyja vidy dziejnaści akreślić ŭrad. Miarkujecca, što heta buduć: realizacyja padakcyznych tavaraŭ i tavaraŭ, jakija padlahajuć markiroŭcy; roźničny handal pakupnymi tavarami; dziejnaść, jakaja patrabuje atrymańnia licenzii i h. d.).
Kolki buduć płacić samazaniatyja?
Staŭki PPD prapanujecca ŭstalavać u nastupnych pamierach:
— pry pracy ź fizičnymi asobami, a taksama jurydyčnymi asobami — nierezidentami — 10% ad vyručki;
— pry pracy z arhanizacyjami-rezidentami:
10% — pry vyručcy da 60 tysiač rubloŭ;
20% — u vypadku pieravyšeńnia hetaha značeńnia.
Jak budzie ažyćciaŭlacca vypłata padatku?
Z dapamohaj prykładańnia «Padatak na prafiesijny dachod» — prahramnaha zabieśpiačeńnia Ministerstva pa padatkach i zborach.
PPD buduć płacić štomiesiac, nie paźniej za 22 dzień miesiaca, što idzie za minułym padatkovym pieryjadam (kalandarny miesiac).
Pradstaŭleńnie padatkovych dekłaracyj pa PPD nie praduhledžvajecca.
Čytajcie taksama: «Źjazdžać za miažu ci kryčać «Karauł!» — pakul rana». Biznes-sajuz pra padatkovuju reformu, jakuju prapanoŭvajuć ułady
