Pryčynaj śmierci nazvanaja vostraja sardečnaja niedastatkovaść. Raspačataja kryminalnaja sprava ab naŭmysnym zabojstvie z pamietkaj «naturalnaja śmierć», paviedamlaje meduza.io.
Paviedamlajecca, što palicyja spyniła taksi, u jakim jechaŭ Palakoŭ, za pieravyšeńnie chutkaści. Deputat «užo drenna siabie adčuvaŭ»; pa papiarednich danych, jon byŭ pjany abo znachodziŭsia pad uździejańniem narkotykaŭ.
Taksama paviedamlajecca sa spasyłkaj na taksista, što deputata vanitavała ŭ mašynie.
Usie kaštoŭnyja rečy pamierłaha na miescy, bačnych cialesnych paškodžańniaŭ niama
Anton Palakoŭ staŭ deputatam Rady ŭ 2019 hodzie. Jaho kandydaturu vyłučyła partyja prezidenta Ukrainy Uładzimira Zialenskaha «Słuha naroda». Ale ŭ śniežni taho ž hoda Palakoŭ vyjšaŭ z partyi i ŭ červieni 2020 hoda staŭ členam deputackaj hrupy «Za budučyniu», jakuju źviazvajuć z ukrainskim aliharcham Iharam Kałamojskim.
