Pra heta zajaviŭ pradstaŭnik bielhijskaha Ministerstva ekanomiki i pracy.
«Karanavirusny kryzis karennym čynam źmianiŭ našu pracu. Ideja składajecca ŭ tym, kab dać rabotnikam bolš hnutkaści dla arhanizacyi pracoŭnaha tydnia», - skazaŭ jon.
Vialikaja hnutkaść pracoŭnaha času moža skaracić kolkaść rabočych dzion u tydzień ź piaci da čatyroch. U bielhijskaj prapanovie kolkaść pracoŭnych hadzin zastaniecca niaźmiennaj.
Ale kab atrymać dadatkovy vychadny, rabotnikam daviadziecca pracavać kala 9,5 hadzin u dzień, pry ŭmovie, što poŭny pracoŭny dzień składaje ad 38 da 40 hadzin u tydzień.
U apošnija hady dyskusii pa skaračeńni kolkaści rabočych dzion u tydzień nabirajuć abaroty. Maštabny ekśpierymient skaračeńnia pracoŭnaha tydnia ŭ Isłandyi bieź źmianšeńnia zarabotnaj płaty, jaki doŭžyŭsia z 2015 pa 2019 hoda, pakazaŭ, što pradukcyjnaść zastajecca niaźmiennaj, a rabotniki atrymlivajuć mienšy stres i vyharańnie.
U sakaviku 2021 hoda ŭrad Ispanii pahadziŭsia pačać ekśpierymient z čatyrochdzionnym tydniem.