U pryvatnaści, z 2022 hoda padatkam na nieruchomaść moža abkładacca navat adzinaja kvatera va ŭłasnaści, piša Onliner.by.
Na siońnia ŭłaśniki žyłych pamiaškańniaŭ płaciać padatak na nieruchomaść tolki ŭ tym vypadku, kali vałodajuć dvuma i bolš abjektami. Lhota na pieršuju kvateru praduhledžana artykułam 228 Padatkovaha kodeksa krainy (punkt 4.4). Adnak z 1 studzienia 2022 hoda ŭsio moža źmianicca. Adpaviednuju prapanovu ŭžo ŭnieśli ŭ prajekt zakona.
Vyklučeńnie zroblena tolki dla niekalkich katehoryj ilhotnikaŭ (piensijaniery, invalidy I i II hrupy, niepaŭnaletnija, niedziejazdolnyja, vajskoŭcy, udzielniki Vialikaj ajčynnaj vajny). Pra heta śviedčyć 114-y punkt novaha prajekta.
Pry hetym, kali lhotniki majuć dva i bolš abjektaŭ padatkaabkładańnia, to lhota raspaŭsiudžvajecca tolki na adzin ź ich.
Onlíner sprabavaŭ vyśvietlić padrabiaznaści ŭ Minfinie, ale tam ad kamientaroŭ pakul ustrymlivajucca. U pres-słužbie rastłumačyli, što zakon jašče nie pryniaty, jon na stadyi razhladu, u najbližejšy čas u Ministerstvie vystupiać z tłumačeńniami.
Nahadajem, što siońnia padatak na nieruchomaść dla fizičnych asob składaje 0,2% ad koštu abjekta nieruchomaści i raspaŭsiudžvajecca na druhuju i nastupnyja pamiaškańni ŭ šmatkvaternych i (abo) błakiravanych žyłych damach. Termin vypłaty padatku — nie paźniej za 15 listapada biahučaha hoda.
