«Pradstaŭniki aktyvu ruchu «Rabočy Ruch», jakija znachodziacca ŭ asnoŭnym za miažoj, ažyćciaŭlali padborku, psichałahičnuju apracoŭku i dalejšuju viarboŭku rabotnikaŭ najbujniejšych biełaruskich pradpryjemstvaŭ ź liku tak zvanych prychilnikaŭ pieramien, jakija majuć dostup da źviestak abmiežavanaha charaktaru», — raspavioŭ namieśnik načalnika śledčaha ŭpraŭleńnia KDB Kanstancin Byčak.
Nahadajem, aryšty i pieratrusy ŭ lidaraŭ rabočaha ruchu prachodzili z 21 pa 23 vieraśnia. Siłaviki pryjšli ŭ damy pradstaŭnikoŭ stačkamaŭ čatyroch bujnych pradpryjemstvaŭ u roznych haradach krainy: «Hrodna Azota», «Biełaruskaha mietałurhičnaha zavoda» ŭ Žłobinie, «Naftana» ŭ Navapołacku i Biełaruskaj čyhunki. Niekatorych ź ich praz sutki adpuścili, ale 13 čałaviek apynulisia ŭ SIZA KDB i Homielskim SIZA №3.
