Pavodle śledstva, 11 žniŭnia 2020 hoda, prykładna kala apoŭnačy, Kirył «uziaŭ udzieł u dziejańniach, jakija hruba parušajuć hramadski paradak, dałučyŭsia da nieŭstanoŭlenych asob i ruchaŭsia pa praśpiekcie Puškina, Prytyckaha i Kalvaryjskaj, što paciahnuła parušeńnie pracy transpartu i pradpryjemstvaŭ. Vykrykvaŭ łozunhi i hučna plaskaŭ u dałoni, parušajučy spakoj hramadzian. Kala domu №37 na vulicy Kalvaryjskaj pieraharadziŭ ruch transpartu».
Čartkoŭ svaju vinu pryznaŭ častkova, ale paviedamiŭ, što spyniaŭ tralejbus 77 maršrutu. Astatniaha transpartu tam nie było.
U sudzie patłumačyŭ, što 10 žniŭnia 2020 vyjšaŭ na vulicu z-za zaklikaŭ u internecie. Z domu pajšoŭ na Kalvaryjskuju pahladzieć, što adbyvajecca ŭ horadzie.
Pryznaŭsia, što spyniŭ tralejbus 77, kab sastupić miesca chutkaj dapamohi. Pastajaŭ kala chviliny. Potym, kali kiroŭca paprasiŭ adyści, jon adyšoŭ u bok.
«Minsktrans» zaprasiŭ kampiensacyi ŭ 21 tysiaču rubloŭ, paviedamlajuć pravaabaroncy.
