Na poŭnačy Francyi ad sardečnaha prystupu pamior biełarus, kiroŭca hruzavika. Fura ledź nie ŭpała ŭ mora
U kiroŭcy-biełarusa zdaryŭsia sardečny prystup, kali jon na hruzaviku źjazdžaŭ z paroma Dover Seaways u niadzielu, 26 vieraśnia. Zdareńnie adbyłosia na poŭnačy Francyi ŭ Dziunkierku. Hruzavik biełaruskaha dalnabojščyka bałansavaŭ nad moram. Niahledziačy na chutkaje prybyćcio pažarnych, mužčyna pamior. Apieracyja doŭžyłasia amal 4 hadziny.
Uviečary ŭ niadzielu aŭtafurhon vyjazdžaŭ z paroma. Biełarus praz sardečny prystup straciŭ kantrol nad svaim aŭtamabilem i pierajechaŭ praz aharodžu biaśpieki. Hruzavik litoŭskaha pieravozčyka «Finėjas» sarvaŭsia z trapa i stuknuŭsia ab pryčał.
Da miesca avaryi prybyli 60 ratavalnikaŭ. Ratavalniki chutka pryjechali na miesca zdareńnia, ale jany zmahli tolki kanstatavać śmierć čałavieka za rulom.