Na vulicach aŭstralijskaha horada Adełaidy adnavili viadomuju vokładku płaścinki Nevermind hurta Nirvana. Profil aholenaha dziciaci z dyska, jakomu sioleta spaŭniajecca 30 hadoŭ, «namalavaŭ» 45-hadovy amatar-viełasipiedyst Piter Stoŭkz, u zvyčajnym žyćci menedžar u śfiery nacyjanalnych aŭstralijskich parkaŭ.
Kopiju vokładki Stoŭkzu dapamoh stvaryć sajt Strava, jaki dazvalaje adsočvać pieramiaščeńni z dapamohaj GPS. Kab «namalavać» profil dziciaci i banknotu, aŭstralijec prajechaŭ kala 150 kiłamietraŭ pa ŭschodnich rajonach Adełaidy. Na heta jamu spatrebiłasia prykładna 8 hadzin z ulikam pierapynkaŭ na vizity ŭ piakarniu, piša Guardian.
Smells like teen spirit - samy znakamity tvor z płaścinki Nevermind.
Stoŭkz raniej užo karystaŭsia sajtam Strava, kab stvaryć profil Bietchoviena ŭ honar 250 hadoŭ ź jaho naradžeńnia. U liku jaho dasiahnieńniaŭ taksama vyjavy dynazaŭraŭ, drakonaŭ i lis, a taksama sełfi.
A siarod taho, što robiać na sajcie inšyja spartoŭcy z roznych kutkoŭ śvieta, možna znajści sapraŭdnyja abjekty mastactva: ad partretaŭ Darta Viejdera i karty Aŭstralii da prapanoŭ ruki i serca.
Sama Nirvana, u svaju čarhu, płanuje ŭ honar 30-hodździa alboma Nevermind pieravydać jaho. Jak i raniej, hurt karystajecca fota aholenaha dziciaci z vokładki dyska. Pry hetym Śpienser Ełden, toj samy chłopčyk z vokładki, zaraz abvinavačvaje Nirvana ŭ vykarystańni jaho fota nibyta ŭ metach raspaŭsiudžvańnia dziciačaj parnahrafii.
A voś prykłady inšych malunkaŭ, stvoranych dziakujučy Strava.
