U kvatery siamji supracoŭniki HUBAZiKu praviali pieratrus. 10 vieraśnia sudździa Natalla Buhuk pakarała Alaksieja i Taćcianu 15-sutačnymi aryštami za ŭdzieł u «niesankcyjanavanym masavym mierapryjemstvie». Viadoma, što Taćcianu zatrymali vypadkova — jana admoviłasia adychodziła ad syna, jakoha na jaje vačach źbivali milicyjanty, tamu sama pajechała za im. Ale va ŭpraŭleńni na jaje taksama skłali pratakoł. Na sudzie Alaksiej zajaviŭ, što «supracoŭniki HUBAZiKu ŭžyvali fizičnuju siłu i stymulavali adkazvać ŭdarami i elektrašokieram». Ranicaj 24 vieraśnia maci i syn pavinny byli vyjści na volu, ale doma tak i nie źjavilisia. Paźniej stała viadoma, što jany «pierazatrymany» pa novych pratakołach.
Ich spravy 24 vieraśnia razhledzieli ŭ sudzie Frunzienskaha rajona. Sudovyja pracesy viali sudździ Ała Skuratovič i Dźmitryj Łukaševič.
Na hety raz na Alaksieja i Taćcianu ŭ Frunzienskim RUUSie skłali pratakoły pa art. 19.1 KaAP (drobnaje chulihanstva). Ich abvinavacili ŭ tym, što padčas «prafiłaktyčnaj hutarki», jany «ahresiŭna i aburalna siabie pavodzili, hučna kryčali, razmachvali rukami i na zaŭvahi supakoicca nie reahavali». Na sudzie stała viadoma, što navat pratakoły milicyjanty padpisvajuć źmienienymi proźviščami. U vyniku, maci i syna aryštavali na 13 i 15 sutak adpaviedna.
