«Pierśpiektyvy ekanomiki Biełarusi kvołyja, i kraina zastajecca ŭ stanie zaciažnoha palityčnaha kryzisu paśla sprečnych prezidenckich vybaraŭ u žniŭni 2020 hoda. Niahledziačy na adnaŭleńnie ŭ hetym hodzie, my prahnazujem, što ekanomika krainy skarocicca na 0,7% u 2022 hodzie, bo mižnarodnyja sankcyi ŭvojduć u dziejańnie całkam», — havorycca ŭ pres-relizie S&P.
Ź inšaha boku, karotkaterminovyja ryzyki źniešniaj likvidnaści dazvolić istotna źnizić materyjalna-techničnaja i finansavaja padtrymka ad Rasii ŭ spałučeńni ź niadaŭnim vydzialeńniem srodkaŭ MVF na $ 0,9 młrd u ramkach hłabalnaha raźmierkavańnia śpiecyjalnych pravoŭ zapazyčańnia( SDR), adznačajecca ŭ paviedamleńni.
Tak, pa danych ahienctva, Biełaruś i Rasija «znoŭ blizkija da novaha pahadnieńnia ab pazycy, pry hetym pieršy tranš budzie vydzieleny ŭ bližejšyja niekalki miesiacaŭ».
U paviedamleńni adznačajecca, što ŭrad Rasii razhladaje mahčymaść pradastaŭleńnia kredytu $0,63 młrd, kab častkova kampiensavać straty Biełarusi ad padatkovaha manieŭru ŭ naftavaj halinie RF, jaki raniej faktyčna skaraciŭ subsidyi dla Biełarusi.
«U vypadku pradastaŭleńnia heta finansavańnie ŭ cełym pakryje patreby ŭrada ŭ źniešnim refinansavańni ŭ 2022 i 2023 hadach, jakija składuć $1,7 młrd i $2, 8 młrd adpaviedna. U dziaržaŭnym doŭhu pieravažajuć aficyjnyja kredyty ad Rasii i kantralavanych Rasijaj arhanizacyj (kala 50% ad ahulnaj sumy) i Kitaja (kala 13%)», — adznačajuć ekśpierty ahienctva.
«Niehatyŭny» prahnoz pa rejtynhu Biełarusi «pakazvaje na ryzyku taho, što mižnarodnyja sankcyi i zaciažny palityčny kryzis mohuć paŭpłyvać na ekanomiku, płaciežny bałans i biudžet krainy ŭ bolšaj stupieni, čym my čakajem u nastupnyja 12 miesiacaŭ», — adznačajuć ekśpierty S&P.
Prahnoz taksama ŭličvaje imaviernaść taho, što svoječasovaja finansavaja padtrymka Biełarusi z boku Rasii moža stać mienš pradkazalnaj, mahčyma, z-za bolš strohich umoŭ, vykanańnie jakich moža być składanym dla Minska ŭ niekatorych vypadkach.
Ahienctva nie vyklučaje panižeńnia rejtynhu Biełarusi ŭ tym vypadku, kali finansavaja padtrymka z Rasii apyniecca niedastatkovaj ci stanie mienš čakanaj. Źnižeńnie rejtynhu krainy mahčyma taksama ŭ vypadku, kali isnujučyja i mahčymyja novyja mižnarodnyja sankcyi pryviaduć da bolš surjoznych nastupstvaŭ dla jaje makraekanamičnych pierśpiektyŭ, čym S&P prahnazuje ŭ ciapierašni čas.
Pavodle prahnozu S&P, ekanomika Biełarusi ŭ 2021 hodzie moža vyraści na 2%, adnak u nastupnym hodzie ekśpierty ahienctva čakajuć jaje źnižeńnie na 0,7% u suviazi z zachodnimi sankcyjami.
«My čakajem, što ŭ 2022 hodzie ekanomika skarocicca na 0,7% z-za skaračeńnia ekspartu, a taksama skaračeńnia ŭnutranaha popytu. Ekspart pacierpić ad niekalkich raŭndaŭ siektaralnych sankcyj, uviedzienych, u pryvatnaści, ES, Vialikabrytanijaj i ZŠA, jakija nacelenyja na šyroki śpiektr klučavych ekspartnych tavaraŭ krainy, uklučajučy naftu i kalijnyja pradukty», - havorycca ŭ pres-relizie.
