Reuters.com
Kaśmičny karabiel Crew Dragon, jaki ŭpieršyniu ŭ historyi dastaviŭ na arbitu całkam hramadzianski ekipaž, pryvadniŭsia ŭ Atłantycy, ščaśliva viarnuŭšy svaich pasažyraŭ na ziamlu. Pra heta paviedamlaje SpaceX.
«Sardečna zaprašajem nazad na ziamlu», — napisała kampanija ŭ Twitter.
Na borcie karabla ŭ kosmasie pabyvali čatyry čałavieki: miljarder, zasnavalnik kampanii pa apracoŭcy płaciažoŭ Shift4 Payments Džared Ajziekman, pamočnik doktara Chejli Arsiena, vieteran VPS ZŠA i aerakaśmičny inžynier Krys Siembroski, a taksama piłot Sian Proktar.
Crew Dragon startavaŭ 16 vieraśnia, ekipaž pravioŭ na arbicie try dni.
Palot kaśmičnaha karabla prachodziŭ na vyšyni 575 km, takim čynam, Crew Dragon byŭ ad Ziamli dalej, čym Mižnarodnaja kaśmičnaja stancyja, jakaja znachodzicca na vyšyni 420 km.
U misii dabračynnyja mety. Ajziekman całkam apłaciŭ palot, kab ź jaho dapamohaj sabrać $ 200 młn dla balnicy St. Jude, jakaja śpiecyjalizujecca na lačeńni dziaciej, u tym liku ad ankałohii. Arsiena, jakaja ŭvajšła ŭ skład ekipaža, u dziacinstvie pieraniesła rak kostak i lačyłasia ŭ hetaj balnicy, a ciapier pracuje ŭ joj.
