U lipieni ŭ Maskvie zarehistravali 17 237 śmierciaŭ, paviedamlajecca na sajcie haradskoha departamienta achovy zdaroŭja. U paraŭnańni ź lipieniem minułaha hoda śmiarotnaść vyrasła na 6464 vypadki — heta značyć na 60%.
Takaja dynamika źviazana z rezkim rostam zachvorvańnia ŭ suviazi z raspaŭsiudžvańniem novaha štamu kavidu ŭ červieni, a taksama anamalna haračym nadvorjem u horadzie apošnija miesiacy. Anamalnaja śpiakota niehatyŭna ŭpłyvała na ciažkaść COVID-19, jaho nastupstvy i pryviała da abvastreńnia zachvorvańniaŭ sardečna-sasudzistaj sistemy.
Strata vadkaści ŭ arhaniźmie i pavieličeńnie viazkaści kryvi z pryčyny śpiakoty mohuć pryvodzić da rezkaha pavyšeńnia ryzyki trombaŭtvareńnia, padzieńnia cisku i insultu.
U lipieni COVID-19 staŭ asnoŭnaj abo spadarožnaj pryčynaj śmierci ŭ 6583 vypadkach (38% śmierciaŭ za miesiac).
Nahadajem, u Rasii dla vakcynacyi vykarystoŭvajucca vakcyny vyklučna rasijskaj vytvorčaści. Na 13 žniŭnia ŭ Maskvie minimum adnu dozu vakcyny atrymali 43.3% darosłych.