Siońnia ŭ Osła Śviatłana Cichanoŭskaja i kiraŭnik Yara Śviejn Tore Chołzieter praviali sustreču, kab abmierkavać pravy čałavieka, demakratyju i situacyju z rabočymi kalijnaha pastaŭščyka Yara u Biełarusi.
Śviatłana Cichanoŭskaja zajaviła:
«Yara — važny doŭhačasovy partnior dla Biełarusi. Adnak, uličvajučy masavy teror režymu, što praciahvajecca, my ličym, što Yara samy čas spynić svaju dziejnaść u Biełarusi da taho času, pakul u našaj krainie nie buduć adnoŭlenyja zakonnaść i demakratyja, pakul nie buduć biezumoŭna vyzvalenyja i reabilitavanyja ŭsie palitviaźni. Na siońniašniaj sustrečy z kiraŭnictvam Yara ja padkreśliła, što my budziem rady bačyć ich kampaniju ŭ jakaści partniora svabodnaj i demakratyčnaj Biełarusi ŭ budučyni».
Prezident i CEO Yara zajaviŭ:
«Na ŭsich nas mocna ŭpłyvajuć represii i parušeńni pravoŭ čałavieka ŭ Biełarusi, śviedkami jakich my źjaŭlajemsia. My pastajanna sprabujem vykarystoŭvać svaju prysutnaść u Biełarusi dla zabieśpiačeńnia biaśpieki na pradpryjemstvie i źbieražeńnia pravoŭ čałavieka, pracujem pry padtrymcy niekalkich pravaabarončych arhanizacyj i niezaležnych prafsajuzaŭ. Siońniašniaja sustreča dała mnie bolš hłybokaje ŭjaŭleńnie pra pazicyju Śviatłany Cichanoŭskaj, i my damovilisia, što možam być bolš aktyŭnymi i pradprymać dalejšyja dziejańni.
Yara vyrašyła pierahledzieć situacyju i da śniežnia pryniać rašeńnie ab dalejšaj prysutnaści ŭ Biełarusi. Tym časam my praciahniem vykarystoŭvać svajo stanovišča dla dalejšaha prasoŭvańnia pytańnia biaśpieki rabočych i pravoŭ čałavieka».
