Eks-pasła Biełarusi ŭ Słavakii Ihara Laščeniu praviarajuć na datyčnaść da dziejańniaŭ, jakija hruba parušajuć hramadski paradak.
Pra heta piša TASS sa spasyłkaj na SK Biełarusi.
«Śledčymi vyvučajecca infarmacyja ab dačynieńni Ihara Laščeni da ździajśnieńnia dziejańniaŭ, što hruba parušajuć hramadski paradak. Ciapier z udziełam zatrymanaha pravodziacca śledčyja dziejańni», — prainfarmavali ŭ SK.
Pa art. 342 KK trymać u izalatary da vystaŭleńnia abvinavačvańnia mohuć da 10 sutak. Zatrymali byłoha dypłamata 11 žniŭnia, jon na Akreścina.
Nahadajem, raniej stała viadoma, što eks-pasoł Ihar Laščenia znachodzicca na Akreścina.
Jaho imia znachodzicca ŭ pieraliku zatrymanych.
Vobšuki i dopyty prajšli ŭ 23 delehataŭ inicyjatyvy «Schod». Častku adpuścili pad padpisku ab nierazhałošvańni, a astatnija, imavierna, zatrymanyja.
Prajšoŭ pieratrus i ŭ Ihara Laščeni. Raniej jon byŭ staršynioj «Schodu», ale syšoŭ i apošnim časam nie mieŭ dačynieńnia da arhanizacyi.
