«Viera pravasłaŭnaja kaža: źmirysia»
Lohkaatletku Kryścinu Cimanoŭskuju za dzień pastavili pierad faktam: ty zdymaješsia z dystancyi i viartaješsia dadomu. «Urazumić» dziaŭčynu sprabavali hałoŭny trenier zbornaj Biełarusi pa lohkaj atletycy Juryj Maisievič i inšy pradstaŭnik delehacyi.
Juryj Maisievič. Fota bfla.eu
Voś vytrymki z toj razmovy.
«Ty pryjedź dadomu i nidzie ničoha nie pišy, nie kamientuj. Adpuści situacyju. Inakš, viedaješ, jak mucha traplaje ŭ pavucińnie — čym bolš krucicca, tym bolš zabłytvajecca».
«Kryścina, 150 dalaraŭ [sutačnych]. Addaj, kali łaska, kali što nie tak, ja tabie viarnu. Čuješ? Mnie treba spravazdačycca, 150 dalaraŭ addać, heta ž nie maje hrošy».
«Heta nie taja situacyja, kab chadzić i dakazvać. Ciapier adzinaje, što my možam, pajści tym šlacham, na jaki nas skiroŭvajuć, — padparadkavacca».
«Ja ciabie prosta prašu heta zrazumieć i pryniać. Voś viera pravasłaŭnaja kaža tak: źmirysia. U pakory čałaviek raście».
«Siońnia treba zhładzić situacyju, prybrać razdražnialny momant».
«Pavier, ja nie svaju dupu ratuju i nie kahości jašče. Mnie ŭžo siomy dziasiatak, ja viedaju, jak i što. Tut my ničoha nie dakažam. Raz prapanavana tak, my musim padparadkavacca i zrabić tak».
«Nie taja situacyja, kab prajaŭlać pryncypovaść»
Pakazalnaja razmova adbyłasia 9 žniŭnia 2020 hoda na adnym z vybarčych učastkaŭ Viciebska. Staršynia Kastryčnickaha rajona Siarhiej Stašeŭski ŭhavorvaŭ kamisiju pamianiać miescami kolkaść hałasoŭ za Cichanoŭskuju i Łukašenku. Pradstaŭniki kamisii aburalisia, jak jany buduć hladzieć u vočy vybarcam, a čynoŭnik raskazvaŭ, što siońnia — inšyja zadačy.
«Mnie nie chočacca, kab vy byli adzinymi, chto niejkim čynam, niezrazumieła, čym kirujučysia — zdarovym sensam, pačućciom honaru, adkaznaści, — vybiŭsia z ahulnaj masy».
«Siońnia nie taja situacyja, kali treba prajaŭlać pryncypovaść».
«Ja vaša asablivaje mierkavańnie pačuŭ, mnie jaho nie treba farmalizavać na papiery. Chto pryncypova nie choča padpisvać hety dakumient… Usio adno treba, kab zastałosia dźvie traciny kamisii. Značyć, dźvie traciny zastajucca, astatnija mohuć adčuć siabie vielmi drenna i pakinuć pamiaškańnie vybarčaha ŭčastka. Tady budzie ŭ pratakole napisana «chvory» i podpisy nie treba budzie stavić».
«Apuściciesia na ziamlu, usim kažu»
Kali Zachad uvioŭ sankcyi, rabočych stali prymušać padpisvać listy suprać hetaha. Na aŭdyja trapiła razmova hiendyrektara «Hrodnaenierha» Viktara Žuka z padnačalenymi, dzie jon niezadavoleny małoj kolkaściu podpisaŭ. Žuk paprakaje: ciapier nie čas dla ambicyj, treba być, jak usie.
«Ja niekali ŭsim publična kazaŭ: na dvuch kresłach my nie ŭsiedzim. Apošnimi ŭ enierhietycy pa dadzienym pytańni my nie budziem. A my apošnija. Infarmacyja pastupić navierch».
«Apuściciesia na ziamlu, usim kažu».
«My pavinny pracavać i być adzinaj kamandaj. Što zdaryłasia ciapier, ambicyi lišnija? Prybirajcie!»
«Da anarchii chočam pryjści? Pryjdziem. A to demakratyčny pačatak vykazvajecie».
«Nie daj Boh, mianie potym pačnuć skłaniać»
Praktyka zahaniać studentaŭ na daterminovaje hałasavańnie ciahniecca šmat hod. Na minułych parłamienckich vybarach internet ablacieŭ zapis z BDEU. Na im kuratarka hrupy Aksana Aniskievič uhavorvaje dziaŭčat pajści hałasavać daterminova, inakš vykładčyki atrymajuć pa šapcy.
«Vy pavinny heta zrabić da niadzieli. Čamu? Tamu što potym pačnuć cierabić zahadčyka kafiedry, Łapcionka i dekanat. Ja nie chaču, kab maju hrupu, mianie i ŭsich astatnich praz heta skłaniali».
«Nie daj Boh, mianie potym vykličuć i pačnuć mianie skłaniać, što maja hrupa nie prahałasavała. Tam usio adsočvajecca stroha».
«Heta nie ja prydumała, paviercie, mnie heta taksama nie tak važna, kab mnie tut prymušać. Ale ja pavinna vykanać svoj hramadzianski doŭh. Ja pajdu heta i zrablu, voś i ŭsio».
