Fota pixabay.com
Isłandcy testavali pierachod na skaročany hrafik u pieryjad z 2015 da 2019 hoda. Adnoj z umovaŭ było toje, što supracoŭniki, niahledziačy na skaročanyja pracoŭnyja časy, atrymajuć toj ža zarobak. U inšych krainach śvietu, u tym liku ŭ Ispanii i Novaj Ziełandyi, ciapier taksama ekśpierymientujuć sa skaročanym pracoŭnym tydniem.
Što datyčycca Isłandyi, u hetaj krainie ŭ vyprabavańniach uziali ŭdzieł bolš za 2500 supracoŭnikaŭ. Hetaja ličba składaje kala 1 pracenta ŭsiaho nasielnictva krainy, zaniataha ŭ pracy. Šmat chto z hetych ludziej pierajšoŭ z 40-hadzinnaha pracoŭnaha tydnia na 35- ci 36-hadzinny, piša VVS.
Takija ispyty prymusili prafsajuzy nanava abmierkavać hrafiki pracy. Ciapier 86% zaniataha nasielnictva krainy ci ŭžo pierajšło na skaročany hrafik z tym ža zarobkam, ci chutka atrymaje na heta prava.
Supracoŭniki raspaviadajuć, što dziakujučy skaročanamu pracoŭnamu tydniu jany adčuvajuć siabie mienš schilnymi da stresu i vyharańnia. Ich stan zdaroŭja palepšyŭsia, a času na pryvatnaje žyćcio stała bolš. Pry hetym skaročany hrafik taksama moža dapamahčy ekałohii. Daśledavańnie, što zrabili ŭ mai brytanskija vučonyja, demanstruje, što skaračeńnie pracoŭnych hadzin moža źnizić u miežach krainy kolkaść vykidaŭ vuhlakisłaha hazu ŭ atmaśfieru.
