TASS
Abłomki samalota vyjavili la pasiołka Pałana, prykładna za 4-5 km ad uźlotna-pasadačnaj pałasy. Samalot mierkavana paciarpieŭ krušeńnie, kali zachodziŭ na pasadku na druhi kruh.
Nie vyklučana, što bort moh urezacca ŭ bierahavuju skału, a častka jaho abłomkaŭ upała ŭ mora.
Paviedamlajecca. što ŭ rajonie katastrofy byli składanyja mieteaŭmovy, vielmi nizkaja bačnaść.
«Samalot zachodziŭ na pasadku ŭ ručnym režymie pry nizkim vizualnym kantakcie piłotaŭ z sušaj. Jak miarkujecca, va ŭmovach nizkaj bačnaści samalot sutyknuŭsia z sopkaj, nie zdoleŭšy pryziamlicca ź pieršaha razu», — adznačała krynica «Interfaksa».
An-26 naležaŭ «Kamčackamu avijacyjnamu pradpryjemstvu». Hiendyrektar pradpryjemstva Alaksiej Chrabroŭ zajaŭlaŭ, što samalot byŭ technična spraŭny. Pavodle ŚMI, jon ekspłuatavaŭsia z 1982 hoda.
