Hramadzianie Paŭnočnaj Karei zakłapočanyja, što ich lidar moža mieć prablemy sa zdaroŭjem, piša The Wall Street Journal.
Čytajcie taksama: Kim Čen Yn pačaŭ chudnieć
Adnak strata vahi Kim Čen Ynam moža mieć palityčny padtekst. Heta stvaraje vobraz taho, jak lidar pakutuje razam sa svaimi hramadzianami, jakija sutykajucca z charčovym i ekanamičnym kryzisam.
Niadaŭna Kim Čen Yn pryznaŭ, što dla Paŭnočnaj Karei nadychodziać ciažkija čas, i zaklikaŭ lidaraŭ krainy vyrašyć charčovy kryzis. Niedachop ježy Kim Čen Yn patłumačyŭ nieŭradžajami, jakija minułym letam vyklikali tajfuny.
«My nie možam vyklučać taho, što Kiim Čen Yn schudnieŭ pa rekamiendacyjach doktara, — śćviardžaje Nam Son Uk, prafiesar paŭnočnakarejskich daśledavańniaŭ u Karejskim univiersitecie Paŭdniovaj Karei. — Adnak jaho režym imkniecca vyklikać simpatyju hramadskaści da lidara pa miery paharšeńnia ekanamičnaj situacyi».
Stan zdaroŭja Kim Čen Yna i jaho papiarednikaŭ užo doŭhi čas vyklikaje hłabalnyja śpiekulacyi, jakija ŭskładniajucca izalavanaściu režymu i adsutnaściu infarmacyi. Takaja ŭvaha maje padstavy: raptoŭnaja śmierć kiraŭnika Paŭnočnaj Karei moža vyklikać hłyboki palityčny kryzis, a tamu ZŠA, ich sajuźnikam i Kitaju pryjdziecca rychtavacca da patoku biežancaŭ.
