Eduard Babaryka, syn eks-pretendenta na pasadu prezidenta Biełarusi, eks-kiraŭnika «Biełhazprambanka» Viktara Babaryki bolš za hod znachodzicca ŭ SIZA. Za hety čas jon navučyŭsia «kłasna malavać», pačuvajecca narmalna, paviedamiŭ advakat jahonaha baćki Dźmitryj Łajeŭski ŭ paniadziełak, piša Interfaks.
«Eduard Babaryka ŭ SIZA pačuvajecca narmalna, badziora. Dzika heta kazać u dačynieńni da čałavieka, jaki hod pad vartaj. Ale baču, jakija novyja navyki nabyŭ Eduard. Jon kłasna navučyŭsia malavać… Jany nie sami vybirali, dzie im apynucca. Apynulisia tam suprać voli. Značyć, treba nie zdavacca», — skazaŭ Łajeŭski.
Jon rastłumačyŭ, što Eduard Babaryka nie prachodzić «pa spravie Biełhazprambanka», choć jaho imia na pracesie hučała nieadnarazova. «Ale jość niejkaja zychodnaja sprava, ź jakoj usio pačałosia, u suviazi ź jakoj pad vartaj znachodzicca i Eduard i šmat inšych ludziej. Častka ź ich na pracesie «pa spravie» Biełhazprambanka» vystupali śviedkami», — dadaŭ advakat.
Vynik hetaha sudovaha razboru, pa dumku Łajeŭskaha, «moža być tolki dobrym». Jon ličyć, što abarona eks-bankira pradstaviła na sudzie abjektyŭny analiz, jaki abviarhaje abvinavačvańni, vystaŭlenyja suprać Babaryki.
Jak paviedamlałasia, Eduardu Babaryka pahražaje da 5 hadoŭ abmiežavańnia voli. Jon byŭ kiraŭnikom pieradvybarčaha štabu Viktara Babaryki. Jaho razam z baćkam zatrymali i źmiaścili ŭ SIZA KDB 18 červienia 2020 hoda. Eduard Babaryka abvinavačvajecca pa č. 2 art. 243 (Uchileńnie ad vypłaty padatkaŭ u asabliva bujnym pamiery) KK Biełarusi.
