BiełTA
«Padziei palityčnaha žyćcia apošnich dvuch dziesiacihodździaŭ pakazvajuć, što nivodnaja ź dziaržaŭ, dzie niama poŭnaj manapolii na ŭładu, nie svabodna ad pahroz dziaržaŭnych pieravarotaŭ. Pry hetym pry roznaści nacyjanalnych mientalitetaŭ, relihij, uzroŭniu žyćcia i adukacyi isnujuć ahulnyja rysy, jakija dazvalajuć mierkavać ab najaŭnaści ahulnaha scenaryja miaciažoŭ, adnak napaŭnialnaha kankretykaj u kožnym asobnym vypadku. Z ulikam taho, što miaciažy ŭsio čaściej stali prachodzić jak nastupstva hałoŭnych vybarčych kampanij, možna pryjści da vysnovy, što vybary pierastali źjaŭlacca ŭnutranaj spravaj samich dziaržaŭ, a stali padstavaj dla nieprykrytaha mižnarodnaha ŭmiašańnia ŭ spravy dziaržavy», — skazała Lidzija Jarmošyna.
Pavodle jaje słoŭ, zychodziačy z apošnich padziej, prasočvajecca i inšaja tryvožnaja tendencyja. «A mienavita vybary pierastali słužyć mecie ŭstalavańnia narodnaj zhody, a ŭsio čaściej słužać procilehłaj mecie, nakiravanaj na raskoł hramadstva i dziaržavy. Inšyja śćviardžeńni, jak praviła, ad partyj apanientaŭ hałoŭnaj palityčnaj siły ab tym, što kali vybary buduć sumlennymi, to i miaciažoŭ nie budzie, poŭnaściu abviarhajucca paślavybarnymi padziejami nie tolki ŭ Biełarusi, ale i ŭ Hruzii, Kyrhyzstanie i navat u ZŠA. A heta ž tolki apošnija vybarčyja kampanii, — adznačyła staršynia CVK.
— Pa vinie internet-resursaŭ adbyłosia nie tolki padzieńnie maralnych aryjenciraŭ, ažyćciaŭlajecca poŭnaja pierabudova śviadomaści davoli adukavanych ludziej».
«Abjektam duchoŭnaj dehienieracyi źjaŭlajecca nie tolki sučasnaje pakaleńnie vybarščykaŭ, ale i budučynia — heta značyć dzieci.
Dastatkova ŭzhadać udzieł dziaciej i padletkaŭ u niezakonnych masavych akcyjach, albo rezanansnaje videa pra toje, jak 11-hadovy padletak u Viciebsku pluje na brackuju mahiłu. Tolki ŭzmacnieńniem patryjatyčnaha vychavańnia ŭ navučalnych ustanovach i aficyjnych ŚMI situacyju vypravić niemahčyma, na moj pohlad.
Pavinny być pryniaty miery, kab niemahčymym staŭ dla ŭsprymańnia inšy punkt hledžańnia, akramia patryjatyčnaha. U advarotnym vypadku ŭ nas sumniŭnaja budučynia, kali jana jość naohuł», — zajaviła jana.
«Pierad nami staić zvyšskładanaja zadača pa vypracoŭcy sposabaŭ arhanizacyi vybarčych pracesaŭ takim čynam, kab jany nie zmahli transfarmavacca ŭ vybuchovuju chvalu, zdolnuju abrušyć naš ahulny dom», — kanstatavała jana.
