Pra heta na bryfinhu ŭ Lisabonie raspavioŭ jeŭrakamisar pa jurydyčnych pytańniach Dydje Rejnders, piša RBK.
Pa jaho słovach, usiaho budzie dastupna try typy siertyfikataŭ ab vakcynacyi dla tych, chto pierachvareŭ, i siertyfikat ab testavańni. Ich vydača budzie biaspłatnaj. Atrymać ich možna budzie jak u papiarovym, tak i ŭ ličbavym varyjancie.
U pres-relizie Jeŭrakamisii ab damoŭlenaści pa ŭviadzieńni adzinaj sistemy siertyfikataŭ havorycca, što jana zapracuje da kanca červienia.
«My vykonvajem svajo abaviazacielstva pa ŭkaranieńni ličbavaha siertyfikata COVID ŭ ES da letniaha siezona. Hramadzianie Jeŭropy ź nieciarpieńniem čakajuć mahčymaści znoŭ padarožničać, i siońniašniaje pahadnieńnie aznačaje, što vielmi chutka jany zmohuć biaśpiečna pieramiaščacca», — pryvodziacca ŭ im słovy staršyni Jeŭrakamisii Ursuły fon der Lajen.
Siertyfikaty buduć utrymlivać QR-kod ź ličbavym podpisam. Ich možna budzie vykarystoŭvać nie tolki pry mižnarodnych pajezdkach, ale i ŭnutry krain — udzielnic JeC, kali takoje rašeńnie prymuć ułady. Dziaržavy Jeŭrasajuza pavinny buduć ustrymlivacca ad nakładańnia jakich-niebudź abmiežavańniaŭ na ŭładalnikaŭ siertyfikataŭ, kali heta nie budzie patrabavacca ź nieadkładnych miedycynskich mierkavańniaŭ.
Nahadajem, što ŭ Biełarusi stali vydavać siertyfikaty ab vakcynacyi.
