Brytanskija vieterynary praviali ŭnikalnuju apieracyju na 17-hadovaj sumatranskaj tyhrycy z parku dzikich žyvioł kala anhlijskaj vioski Šepret. Padčas jaje atrymałasia vyratavać voka Ratny — tak zavuć žyviołu.
Raniej, kali Ratna tolki apynułasia ŭ parku, na jaje levym voku praviali apieracyju pa vydaleńni katarakty. Ciapier u hetym ža voku žyvioły vieterynary znajšli jazvu rahavicy, piša VVS.
Pry hetaj chvarobie taksama treba rabić apieracyju, i chatnija koški i sabaki prachodziać jaje biez prablem. Ale ŭ vypadku z Ratnaj spatrebiłasia vykarystać našmat bolš aniestezii. Tym nie mienš, usio prajšło dobra.
Chirurh Devid Uiljams ź vieterynarnaj kliniki pry Kiembrydžskim univiersitecie, jaki ŭdzielničaŭ u praviadzieńni apieracyi, ličyć, što Ratna mahła paškodzić voka bambukavaj pałkaj. Chutčej za ŭsio, paśla katarakty jaje zrok u levym voku i tak nie byŭ dobrym, a zaraz jon jašče bolš pahoršyŭsia. Ale apieracyja, jakuju naŭrad ci pravodzili raniej žyviołam hetaha vidu, jak minimum pazbaviła žyviołu ad bolu.
