Fiestyval piva Aktobierfest, jaki tradycyjna prachodzić vosieńniu ŭ Miunchienie, znoŭ nie adbudziecca z-za pandemii. Pra heta paviedamili na pres-kanfierencyi premjer-ministr Bavaryi Markus Zieder i obier-burhamistr Miunchiena Dyter Rajter, paviedamlaje Deutsche Welle.
Jany patłumačyli hetaje rašeńnie niepradkazalnaj situacyjaj z COVID-19 i nazvali nierealistyčnym praviadzieńnie fiestyvalu piva z zachavańniem masačnaha režymu i sacyjalnaj dystancyi pamiž udzielnikami.
Zieder i Rajter dadali, što bolš poźniaja admiena Aktobierfestu naniesła b jašče bolšuju ekanamičnuju i imidžavuju škodu arhanizataram.
Fiestyval Aktobierfest admianiajuć druhi hod zapar. U 2020 hodzie ŭrad Bavaryi taksama admianiŭ piŭny fiestyval z-za pahrozy pašyreńnia karanavirusa.
U pieršy raz Aktobierfest praviali 12 kastryčnika 1810 hoda z nahody šlubu kronprynca Ludviha i pryncesy Terezy. Paśla jon pravodziŭsia štohod, akramia tych hadoŭ, kali admianiaŭsia z-za vojnaŭ, epidemij chalery i z ekanamičnych pryčyn.