Minuły tur akazaŭsia turam niespadziavanak. Kali my ledź nie śpisali «Spadarožnik» i «Słuck» z rachunkaŭ, tyja ŭziali i zdabyli pieršyja ŭ siezonie pieramohi. U rečyčan adznačyŭsia forvard ź Nikarahua Aryjahnier Śmit, jaki ŭ pieršaj hulni za biełaruski kłub mieŭ mnostva momantaŭ, ale zmoh adznačycca tolki adnojčy. A słuččaki ničoha nie dali zrabić žodzinskamu «Tarpieda» i zasłužana papoŭnili skarbonku tryma turnirnymi bałami.
Fota: FK «Słuck».
Jak słuččaki i rečyčanie, smak pieršaj pieramohi adčuli hulcy «Rucha» i «Viciebska». Bieraściejcy vymučyli pieramohu nad «Isłačču», a dubl Cievierava prynios paŭnočnaj kamandzie pieramohu ŭ Mazyry.
Kali kazać pra lidaraŭ, to BATE byŭ vielmi blizkim, kab sapsavać sabie nastroj pierad 25-hodździem kłuba. Jašče na 81-j chvilinie hulni z «Minskam» barysaŭcy hareli ź likam 0:2, ale adhulalisia i źviali matč u ničyju. Ale matč nie abyšoŭsia biez sudziejskaj pamyłki: abaronca BATE Pavieł Rybak zabiŭ miač rukoj.
Krychu raniej bresckaje «Dynama» vystajała jašče ŭ adnoj hulni ź biełaruskim topam — u dynamaŭskim derbi była zafiksavanaja ničyja. Najbolšy profit ź ničyich kankurentaŭ zajmieŭ salihorski «Šachcior», jaki zmoh pavialičyć adryŭ da čatyroch bałaŭ. Takimi tempami vielmi chutka źniknie čempijonskaja intryha, čaho b ni chaciełasia.
Voś usie vyniki čaćviortaha tura:
- «Enierhietyk-BDU» — «Spadarožnik» 0:1 (77, Śmit)
- «Isłač» — «Ruch» 0:1 (69, Rachmanaŭ)
- «Słuck» — «Tarpieda-BiełAZ» 2:0 (52, Babko; 78, Sasin)
- «Dynama-Brest» — «Dynama-Minsk» 1:1 (70, Bieleńki — 15, Kiślak)
- «Minsk» — BATE 2:2 (47, Kasarab; 64, K. Zinovič — 82, Rybak; 90+2 (p), Skavyš)
- «Homiel» — «Nioman» 2:0 (11, 33; An. Sałaviej)
- «Słavija» — «Viciebsk» 0:2 (27, 49; Cievieraŭ)
- «Šachcior» — «Smarhoń» — 3:0 (8, Filipienka; 72, Ancič; 84, Ivanavič)
TURNIRNAJA TABLICA
«Słavija» i «Nioman» apynulisia na dnie tablicy, ale pa tym, jak hulajuć u hetym siezonie kamandy, niečakanym heta nie nazavieš. Pryčym kalandar u abiedźviuch nie toje kab byŭ składanym.
Asobna chaciełasia b źviarnuć uvahu na bambardzirskija pośpiechi Andreja Sałaŭja z «Homiela». 26-hadovy hulec adznačajecca ŭ kožnaj hulni, pryčym «Niomanu» zabiŭ dvojčy. Mahčyma, u nas źjaviŭsia svoj Džejmi Vardzi?
Andrej Sałaviej. Fota: FK «Homiel».
A ciapier — da matčaŭ piataha tura.
«Spadarožnik» — «Isłač»
- 16.04, 18:00. Homiel, stadyjon SDIUŠAR-8 (štučnaje pole)
- Kaeficyjenty: «Spadarožnik» (pieramoha) — 3.65; ničyja — 3.55; «Isłač» (pieramoha) — 1.90.
Davoli cikavaja afiša: kamanda z uźniatym maralnym stanam paśla pieršaj viktoryi suprać kalektyvu, jaki chvacka startavaŭ, ale paśla dvojčy prajhraŭ i nie zmoh nivodnaha razu zabić.
U «vaŭkoŭ» davoli dobryja šancy, na dumku bukmiekieraŭ, ale rečyčanie ciapier, vidać, tak prosta bały nie addaduć.
«Viciebsk» — «Słuck»
- 16.04, 20:45. CSK FK «Viciebsk»
- Kaeficyjenty: «Viciebsk» (pieramoha) — 2.14; ničyja — 3.26; «Słuck» (pieramoha) — 3.25.
U hetym matčy, u adroźnieńnie ad papiaredniaha, situacyi padobnyja: try adnosna niaŭdałyja tury i pieršaja pieramoha, jakaja doryć nadzieju na spryjalnaje dalejšaje raźvićcio siezona. Takomu raskładu patrebnaje dalejšaje raźvićcio, ale pieramahčy zmoža tolki adzin.
Ale što cikava: viciebčuki 4 z 5 bałaŭ nabrali ŭ haściach, a słuččaki ŭsie svaje čatyry — vyklučna na chatniaj sintetycy. Ci praciahniecca heta tendencyja, pabačym viečaram u piatnicu.
«Tarpieda-BiełAZ» — «Dynama-Brest»
- 17.04, 14:00. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.909; ničyja — 3.45; «Dynama» (pieramoha) — 3.74.
Žodzincy, ad jakich čakajuć šmat, ale pakul nie ŭsio atrymlivajecca, u subotu prymajuć bieraściejcaŭ, ad jakich mała što čakali ŭ hetym siezonie, ale jakija stali adnoj z kamand-adkryćciaŭ sioletniaj lihi.
U «Tarpieda» nie atrymałasia zusim ničoha ŭ Słucku. Pahladzim, ci paśpieŭ Juryj Puntus pravieści rabotu nad pamyłkami.
«Nioman» — «Minsk»
- 17.04, 16:00. Hrodna, CSK «Nioman»
- Kaeficyjenty: «Nioman» (pieramoha) — 1.93; ničyja — 3.34; «Minsk» (pieramoha) — 3.78.
Niahledziačy na zhublenuju pieramohu ŭ hulni z BATE, «Minsk» zasłuhoŭvaje pachvały: u startavym składzie «haradžan» vyjšli troje hulcoŭ, nie starejšych za 21 hod, a ŭsiaho suprać barysaŭcaŭ zhulali ažno vosiem «limitčykaŭ». A hały zabivali Kasarab i Zinovič, jakija naradzilisia ŭ 2003 hodzie. Takoje amaładžeńnie vyklikana traŭmami ŭ kamandzie, ale bačna, što ŭ «Minsku» jość kamu zamianić starejšych tavaryšaŭ.
U biełaj formie — adna z maładych zorak «Minska» Kirył Zinovič. Fota: FK «Minsk».
Što tyčycca «Niomana», to haradziency pakul rasčaroŭvajuć. Ad kamandy, jakaja letaś stała siensacyjaj čempijanatu, padobna, mała što zastałosia. Ale jašče nie zapozna niešta vypravić.
BATE — «Enierhietyk-BDU»
- 17.04, 18:00. Barysaŭ, haradski stadyjon
- Kaeficyjenty: BATE (pieramoha) — 1.39; ničyja — 4.85; «Enierhietyk» (pieramoha) — 6.40.
BATE prademanstravaŭ charaktar, ale jašče krychu adpuściŭ ad siabie «Šachcior». Jašče adzin hałaŭny bol barysaŭcaŭ — abarona. U apošnich dvuch turach kamanda Žukoŭskaha prapuściła čatyry miačy, pryčym pa dva hały zabili «Homiel» i «Minsk», pry ŭsioj pavazie — słabiejšyja kamandy pa kłasie.
«Enierhietyk», choć i prajhraŭ dvojčy i nabraŭ u dva razy mienš bałaŭ, maje na adzin prapuščany miač mienš. Ale «studenty» dva tury nie zabivajuć, a try z čatyroch miačoŭ u siezonie zabili «Smarhoni», tamu prablem u «studentaŭ» chapaje.
«Šachcior» — «Słavija»
- 17.04, 20:00. Salihorsk, stadyjon «Šachcior»
- Kaeficyjenty: «Šachcior» (pieramoha) — 1.183; ničyja — 6.80; «Słavija» (pieramoha) — 11.25.
Salihorcam pašancavała z kalendarom: da šostaha tura matčy vyklučna z kamandami, jakija istotna sastupajuć čempijonam u kłasie. Vynik paśla čatyroch matčaŭ: vyklučna pieramohi, 2,5 zabityja miačy ŭ siarednim štomatč i tolki adzin prapuščany.
Vialikaja imaviernaść, što i «Słavija» stanie čarhovaj achviaraj «Šachciora». Ale varta być pilnymi: minułaj vosieńniu mazyrčuki zmahli vyjhrać u «harniakoŭ».
«Dynama-Minsk» — «Homiel»
- 18.04, 14:00. Minsk, stadyjon «Dynama»
- Kaeficyjenty: «Dynama» (pieramoha) — 1.666; ničyja — 3.68; «Homiel» (pieramoha) — 4.80.
Leanid Kučuk rychtavaŭ kamandu ŭ režymie zvyšsakretnaści, ale nie zmoh stvaryć idealny kalektyŭ, jaki b štampavaŭ pieramohu za pieramohaj. Pakul minčuki majuć prablemy i nie mohuć pieramahčy ŭ mocnych pradstaŭnikoŭ abłasnych centraŭ.
A «Homiel» z takich kłubaŭ vyhladaje ci nie najmacniejšym, plus napieradzie ŭ kamandy Bijončyka jość talenavity Andrej Sałaviej. Ale «Dynama» ŭmieje hulać ad abarony, tamu ŭ niadzielu nas čakaje patencyjna najcikaviejšy matč usiaho tura.
«Ruch» — «Smarhoń»
- 18.04, 16:00. ASK «Brescki»
- Kaeficyjenty: «Ruch» (pieramoha) — 1.122; ničyja — 8.30; «Smarhoń» (pieramoha) — 14.25.
Hulniavy ŭikend skončycca ŭ Breście, dzie «Ruch» budzie imknucca pieratvaryć pieršuju pieramohu siezonu ŭ sieryju. Umovy dla hetaha samyja spryjalnyja: u hości jedzie apošniaja kamanda tablicy.
Mahčyma, prykład «Spadarožnika» zmoža natchnić i smarhoncaŭ na pieršuju pieramohu. Ale imaviernaść takoha raskładu nievialikaja.
Staŭki na matčy čempijanatu Biełarusi pa futbole Vy možacie zrabić u punktach pryjomu stavak Bukmiekierskaj kantory Marafon, a taksama na sajcie marathonbet.by.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
