Fota Nadziei Bužan
— Adnu dumku chaču danieści. My razhladajem aktualnyja pytańni cenavaj i finansavaj stabilnaści. Hetaja stabilnaść — hramadskaja karyść. Zadača i prafiesijny abaviazak Nacbanka — prykładać namahańni heta zabiaśpiečvać. My pavinny viarnucca da siarednieterminovaj mety — inflacyja 5%. Ja liču svaim prafiesijnym i hramadzianskim abaviazkam zabiaśpiečyć abaronu hetych metaŭ, — skazaŭ Pavieł Kałaŭr.
Adkazvajučy na pytańni pra admienu hrafika pasiadžeńniaŭ praŭleńnia Nacbanka pa staŭcy refinansavańnia, jakuju ekśpierty ŭspryniali jak pierachod na ručny režym kiravańnia, Kałaŭr pryznaŭ, što adsutnaść hrafika źnižaje peŭnaść i davier.
— Ale kab niešta peŭnaje vam skazać, nam taksama patrebna faktura i statystyka. My pracujem va ŭnikalnych umovach, jakich nie było i, spadziajusia, bolš nie budzie. My byli vymušanyja vykarystoŭvać instrumienty bolš pramoha dziejańnia, adyści ad našaj mary pierachodu na tarhietavańnie inflacyi. Tamu było vyrašana, što my nie možam pravodzić bryfinhi vyklučna pa cenavaj stabilnaści, kali zadziejničajem i inšyja instrumienty, — skazaŭ Kałaŭr.
