Nahadajem, što incydent zdaryŭsia ŭ minuły paniadziełak. Padčas pierakidvańnia na Hožski palihon rakietnaja ŭstanoŭka paškodziła dom Hanny Mikałajeŭny
«Dom byŭ adnoŭleny na praciahu 5 dzion. U pracesie ramontnych rabot byŭ adnoŭleny płot, ścieny chaty, a taksama była praviedziena ŭnutranaje azdableńnie pamiaškańnia. Pry ŭdary kut chaty niaznačna syšoŭ z padmurka. Było ŭžyta śpiecyjalnaje hidraŭličnaje abstalavańnie dla pastanoŭki jaho ŭ zychodnaje stanovišča», — kaža namieśnik kamandzira 30-j čyhunačnaj bryhady pałkoŭnik Dźmitryj Anašačkin.
Sama 85-hadovaja Hanna Mikałajeŭna raspaviała, što ŭ pieršyja chviliny paśla DTZ pieražyvała pierš za ŭsio za zdaroŭje sałdata terminovaj słužby, jaki znachodziŭsia za rulom vajennaj mašyny.
«Na vajskoŭcaŭ nie kryŭdžusia. Naadvarot, udziačnaja im za toje, što tak chutka ŭsio adnavili. I ŭsim im žadaju zdaroŭja», — cytuje jaje słovy Minabarony
Cikava, što vajskoŭcy rakietnaj bryhady damovilisia ŭstanavić šefstva nad Hannaj Mikałajeŭnaj. Rakietčyki abiacajuć pasilnuju dapamohu žančynie, kali takaja spatrebicca.
