Heta pačałosia ź Sietła, štat Vašynhton, na cichaakijanskim uźbiarežžy. Paśla hetaha vialiki biełaruski ściah prajechaŭ praz Arehon, Kaliforniju i pustynny štat Kałarada.
«Delehat supołki biełarusaŭ Chjustana prylacieŭ u Denvier, Kałarada, kab zabrać volny bieł-čyrvona-bieły ściah u Techas», — paviedamlajuć čytačy «Našaj Nivy» z ZŠA.
Voś fota, jak ściah sustrakali ŭ Chjustanie na adkrytaj placoŭcy 23-ha paviercha adnaho z chmaračosaŭ.
«My pasyłajem svoju luboŭ Radzimie, biełarusam i ŭsim našym siabram, — pišuć nam biełarusy Chjustana. — Hieahrafična my daloka, ale sercam my blizka».
Dalej ściah pavandravaŭ u techaskija San-Antonia, Ościn i Dałas, a napradvieśni jaho čakajuć štaty Siaredniaha Zachadu i Atłantyčnaha ŭźbiarežža.
Biełaruski ściah prybyŭ u San-Francyska, Kalifornija
Hetaja akcyja biełarusaŭ Amieryki — reakcyja na palityčnyja represii, falsifikacyi i biezzakońnie ŭ RB.
Biełarusy Amieryki padčas vybaraŭ minułaha hoda ładzili ekzit-poły kala vybarčych učastkaŭ u biełaruskich dypłamatyčnych i konsulskich pradstaŭnictvach. Pavodle ich vynikaŭ, za Śviatłanu Cichanoŭskuju tut hałasavali bolš za 90% vybarcaŭ.
Biełarusy Sietła, štat Vašynhton