Aktyŭnaść vułkana Etna na Sicylii praciahvaje ŭzmacniacca z paniadziełka, 16 lutaha, z paŭdniova-ŭschodniaha kratara vyrvałasia vialikaje vobłaka dymu i popiełu, a pa schiłach paliłasia vohniennaja łava.
Šmatlikija videa i fota pačali raspaŭsiudžvacca pa sacyjalnych sietkach u aŭtorak viečaram — i jany ŭražvajuć.
U Katanii — horadzie-porcie la padnožža vułkana, dzie pražyvaje kala 300 tysiač čałaviek, — damy i mašyny zasypaje popiełam, nastupstvami dzielacca miascovyja žychary. Aeraport horad z-za aktyŭnych vułkaničnych vykidaŭ časova spyniŭ pracu — słup popiełu dasiahaje kiłamietra.
Adzin z samych bujnych vułkanaŭ na ziamli pračnuŭsia ŭ siaredzinie studzienia. Tolki z 1950 hoda jon vyviarhaŭsia niekalki dziasiatkaŭ razoŭ. Pieršaje histaryčna dakazanaje vyviaržeńnie Etny zdaryłasia ŭ 1226 hodzie da n. e. Naohuł ža navukoŭcy miarkujuć, što Etna, jakaja znachodzicca na styku Afrykanskaj i Jeŭrazijskaj tektaničnych plit, stała aktyŭnaj prykładna 300 tysiač hadoŭ tamu.
