Staŭki padatkaŭ pierahledzieli z 1 studzienia. U niekatorych haradach, u tym liku Oršy i Połacku, padatak na zdaču ŭ arendu adnaho žyłoha pamiaškańnia padniali bolš čym na 40%. Novaŭviadzieńni praduhledžany abnoŭlenym Padatkovym kodeksam, piša Tut.by.
Dla Minska maksimalnuju staŭku padachodnaha padatku ź fizičnych asob za zdaču ŭ arendu adnaho žyłoha pamiaškańnia pavysili da 34,3 rubla. Dla paraŭnańnia: u 2020-m staŭka składała ad 18,5 da 32,5 rubla. Haraž (havorka pra mietaličny abo draŭlany haraž, mašyna-miesca) zdać u arendu ŭ 2021-m u stalicy možna z padatkam 11,1 rubla.
U abłasnych centrach padatak za zdaču kvater padniali da 32,2 rubla, a haražoŭ — da 8,9 rubla. U takich haradach, jak Baranavičy, Babrujsk, Barysaŭ, Žłobin, Žodzina, Lida, Mazyr, Maładziečna, Navapołack, Orša, Pinsk, Połack, Rečyca, Śvietłahorsk, Słuck, Salihorsk, zbor za zdaču kvater vyras da 21,1 rubla, a haraža — da 5,6 rubla.
U inšych haradach abłasnoha, rajonnaha padparadkavańnia i pasiołkach haradskoha typu padatak za zdaču ŭ arendu žyłoha pamiaškańnia z 1 studzienia składaje 15,5 rubla, haraža — 4,4 rubla, a va ŭsich astatnich nasielenych punktach i terytoryjach — 11,1 rubla i 3,4 rubla adpaviedna.
