Palitviaźniu Jaŭhienu Juškieviču paśla śledčych dziejańniaŭ źmianili mieru strymańnia na padpisku ab niavyjeździe. Jaho vyzvalili sa śledčaha izalatara paśla 10 dzion źniavoleńnia. Jaŭhienu inkryminavali č. 1 art. 342 Kryminalnaha kodeksa (Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich), u jakim statusie jon znachodzicca ciapier — pakul nieviadoma.
Fota Nadziei Bužan
Nahadajem, byłoha śledčaha Jaŭhiena Juškieviča zatrymali ŭ Minsku 25 listapada. Adrazu jaho źmiaścili ŭ IČU na Akreścina. Ź jaho advakatki ŭziali padpisku ab nierazhałošvańni. 27 listapada stała viadoma, što Jaŭhienu Juškieviču inkryminujuć častku 1 artykuła 342 Kryminalnaha kodeksa (Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Jaho pieraviali ŭ SIZA-1 na vulicy Vaładarskaha ŭ Minsku.