Parłamient Małdovy 3 śniežnia ŭ pieršym čytańni ŭchvaliŭ prajekt ab zamacavanni za ruskaj statusu movy mižnacyjanalnych znosin i prahałasavaŭ za papraŭki, jakija stvarajuć mahčymaść dla viartańnia rasijskich infarmacyjnych i analityčnych prahram, paviedamlaje TV 8.
Prajekty byli pryniatyja bolšaściu hałasoŭ deputataŭ ad Partyi sacyjalistaŭ i partyi frakcyi «Šor».
Zhodna z prajektam zakona ab funkcyjanavańni moŭ, ruskaj movie viartajecca status movy mižnacyjanalnych znosin.
Heta aznačaje, što pa zapycie hramadzian dziaržaŭnyja słužačyja pavinny buduć padać infarmacyju ci pierakład infarmacyi na ruskaj movie, a taksama atrymlivać zapyty i adkazvać na ich na ruskaj movie, kali heta budzie nieabchodna hramadzianinu.
Akramia taho, parłamient u pieršym čytańni pryniaŭ prajekt, jaki dazvalaje tranślacyju tele- i radyjoprahram «z trecich krain, jakija adpaviadajuć pałažeńniam kancepcyi i stratehii infarmacyjnaj biaśpieki Respubliki Małdova».
Raniej małdoŭskija telekanały mahli tranślavać tolki prahramy, vyrablenyja ŭ krainach ES, ZŠA, Kanadzie i krainach, jakija ratyfikavali kanviencyju ab transhraničnym telebačańni. Rasija jaje nie ratyfikavała.
Parłamient Małdovy taksama ŭchvaliŭ zakon, jaki pamianšaje paŭnamoctvy prezidenta Sandu.
