Poliŭka
50 h žytniaha chleba, 25 h sušanych hryboŭ, 1 morkva, 1 cybulina, 1 st. łyžka tłušču, 1 č. łyžka tamatu-piure, 1,2 ł miasnoha bulonu, 0,5 šklanki śmiatany, sol.
Zahadzia zamočanyja hryby advaryć, bulon pracadzić praz składzienuju ŭdvaja tkaninu, hryby našatkavać. Žytni chleb narezać łustačkami, padsušyć u duchoŭcy, źmialčyć, zalić nievialikaj kolkaściu haračaha bulonu, nakryć, pačakać, pakul astynie. Paśla hetaha chlebnuju masu pracierci praź sita, źmiašać z reštaj miasnoha bulonu, ulić hrybny advar.
Absmažyć na tłuščy drobna parezanyja morkvu i cybulu razam z tamatam-piure, pakłaści ŭ bulon, jaki kipić. Dadać padrychtavanyja hryby, sol, varyć 7-10 chvilin.
Padać poliŭku sa śmiatanaj.
Rybnik
300 h rybnaha file, 50 h čerstvaha biełaha chleba, 1 jajka, 1 cybulina, 0,5 šklanki małaka, 1 č łyžka śmietankovaha masła, 1 st. łyžka aleju, sol, pierac, łaŭrovy list.
File ryby, zamočany ŭ małace i adcisnuty bieły chleb, ačyščanuju cybulu dvojčy prapuścić praź miasarubku. Dadać jajka, sol, pierac, śmietankovaje masła, alej i vymiešvać da ŭtvareńnia pyšnaj masy. Vykłaści jaje na prakipiačonuju parkalovuju survetku, nadać formu rybiny, zaharnuć. Pierakłaści ŭ rondal adpaviednaj formy, zalić padsolenaj vadoj i varyć na słabym ahni kala 20 chvilin.
Miedavucha
5 ł vady, 300 h miodu, 10 h draždžej.
Miod razam z sotami raźvieści achałodžanaj hatavanaj vadoj, zalić u nievialikuju draŭlanuju bočačku. Dadać droždžy, raźviedzienyja ŭ ciopłaj vadzie, pieramiašać. Vytrymlivać u chaładnavatym miescy 6-8 dzion».
Kułaha
400 h čarnic, 70 h miodu, 2-3 st. łyžki žytniaj muki.
Śviežyja čarnicy (bruśnicy, bujaki, maliny) pierabrać, pramyć, pastavić na ahoń. Kali jahady razvaracca, dadać žytniuju muku, raźviedzienuju ŭ nievialikaj kolkaści vady, miod (abo cukar), pieramiašać i varyć na słabym ahni, pakul strava nie nabudzie kansistencyju kisialu. Kułahu padajuć ź blinami (chlebam) i małakom.
Smačna jeści!
