Muzyki Uładzimir Puhač i Lavon Volski vypuścili pieśniu «Dychajem znoŭ», natchnionuju padziejami leta 2020 u Biełarusi. Raniej muzyki ŭžo vykonvali razam kampazicyju «Takoha niama nidzie», piša Tut.by
Toje, što adbyvajecca ŭ Biełarusi ŭ apošnija miesiacy nie mahło nie adbicca ŭ tvorčaści muzykaŭ roznych žanraŭ i pakaleńniaŭ. Uładzimir Puhač i Lavon Volski nie stali vyklučeńniem. Jak pryznajecca aŭtar — Uładzimir Puhač — pieśnia była napisana praktyčna na adnym dychańni, što zdarajecca daloka nie zaŭsiody.
— Duet ź Lavonam mienavita ŭ «Dychajem znoŭ» mnie bačyŭsia zusim harmaničnym. Niekalki hadoŭ tamu my ŭžo vykanali razam pieśniu «Takoha niama nidzie», ale tady Lavon prapanavaŭ mnie paŭdzielničać. Pryznacca, ja čakaŭ momantu, kali zmahu zrabić toje ž samaje. Da majho honaru i vialikaj radaści, jon adrazu pahadziŭsia, — kaža lidar J: Mors.
Lavon Volski adznačyŭ, što ciapier čas sam kaža ab tym, što treba abjadnoŭvacca, rabić kałabaracyi. I pieśnia vyjšła vielmi pryhožaj.
— Kali pačuŭ «Dychajem znoŭ» pieršy raz, adčuŭ tuju atmaśfieru ranicy, kali ty pračynaješsia i razumieješ, što ŭčora zdaryłasia niešta dla ciabie vielmi istotnaje, natchnialnaje.
Pieśnia «Dychajem znoŭ» uvojdzie ŭ novy albom hurta J: Mors, vychad jakoha zapłanavany na vosień 2020 hoda
