Fota Nadziei Bužan
Pra heta kandydat u prezidenty Biełarusi Śviatłana Cichanoŭskaja zajaviła ŭ intervju «Mieduzie».
«Ja liču, što Biełarusi nie patrebna Sajuznaja dziaržava. Biełaruś pavinna być niezaležnaj samastojnaj dziaržavaj. Nam patrebnyja zvyčajnyja miždziaržaŭnyja suviazi, nijakich dadatkovych damovaŭ nie treba. Tady nie ŭźnikaje i lišnich spakus kahości kudyści dałučać. My i tak siabrujem, u nas mnostva suviaziaŭ — siabroŭskich, rodnasnych. Viadoma, adnosiny pavinny być dobrymi, treba praciahvać raźvivać ekanamičnyja suviazi. Ale ŭsio heta pavinna być na roŭnych, u intaresach abiedźviuch krain», — ličyć Cichanoŭskaja.
«Niezaležnaść — naša absalutnaja kaštoŭnaść, my jaje nie pradajom, my joju nie handlujem, my navat nie abmiarkoŭvajem hetaje pytańnie. My mirnyja ludzi i budziem siabravać z usimi, ale tolki ŭ intaresach ułasnaj krainy. My pavinny stvaryć partniorstva na roŭnych, a nie zaležnaść ad hazavaj abo kredytnaj «ihołki», — padkreśliła Śviatłana Cichanoŭskaja.
«Zrazumieła, što Rasija — naš susied, a heta aznačaje, što nam patrebnyja dobryja adnosiny. Tamu my vielmi zacikaŭlenyja ŭ tym, kab Rasija była demakratyčnaj cyvilizavanaj dziaržavaj», — miarkuje jana.