Televiadučaja BT Kaciaryna Pytleva paviedamiła ŭ sacsietkach, što jaje źniali z efiraŭ. Jana syšła z BT.
«Ja razumieju, što cudu, chutčej za ŭsio, nie zdarycca, dy i navošta čakać kančatkovaha zvalnieńnia… Bo ja i dalej budu pisać toje, što dumaju, adčuvaju i pieražyvaju ŭ suviazi z žudasnymi padziejami ŭ majoj lubimaj krainie. A ciapier, kali ty ŭ kadry i vykazvaješsia, heta značyć, što ty — «vorah dziaržavy». Mnie sumna raźvitvacca sa spravaj žyćcia, ź lubimaj pracaj. I asabliva ciažka raźvitvacca z prajektam «Dzień u Vialikim Horadzie», z kamandaj nievierahodnych prafiesijanałaŭ i prosta dobrych ludziej. Dziakuj im usim za hetyja cudoŭnyja miesiacy, heta byŭ vialiki honar pracavać z vami. Ja vielmi chaču vieryć u toje, što heta nie nazaŭždy. Źmieny niepaźbiežnyja, i jany zaŭsiody da lepšaha», — napisała Pytleva.
Nahadajem, niadaŭna viadučaja prahramy «Dzień u Vialikim Horadzie» na BT Kaciaryna Pytleva ŭ svaim instahramie krytyčna vykazałasia pra apošnija padziei, jakija adbyvajucca ŭ Biełarusi.
Čytajcie taksama: Viadučaja BT Pytleva: Bolš ja maŭčać nie mahu. Tak nie pavinna być
