bsu.by
Navukoŭcy BDU raspracavali šmatrazovuju trochsłojnuju achoŭnuju masku z novaha ajčynnaha materyjału. Jaje možna vykarystoŭvać na praciahu doŭhaha času, paviedamlaje pres-słužba ŭniviersiteta.
Nad jaje stvareńniem pracavali supracoŭniki NDI fizika-chimičnych prablem BDU pad kiraŭnictvam zahadčyka łabaratoryi rastvoraŭ celułozy i praduktaŭ ich pierapracoŭki Dźmitryja Hrynšpana.
Dla vonkavaha i ŭnutranaha słajoŭ hetaha srodku indyvidualnaj abarony vykarystoŭvajecca plonkava-tkankavy materyjał na asnovie poliefiru, jaki nie maje anałahaŭ. Jon nie ŭbiraje vadkaść i ŭstojlivy da žorstkich apracovak. Siaredni płast adnačasova vykonvaje funkcyi filtra i sarbientu, jon składajecca z vuhlarodnaha niatkanaha pałatna, jaki vypuskajecca na pradpryjemstvie «ŚvietłahorskChimvałakno». Za košt hetaha materyjału praduchilajecca trapleńnie taksičnych rečyvaŭ u arhanizm pry dychańni.
Maska taksama vałodaje pyrskaŭstojlivaściu i pavietrapranikalnaściu, bijasumiaščalna sa skuraj čałavieka, vytrymlivaje šmatrazovuju sterylizacyju kipiačeńniem u vadzie pry tempieratury 100°S u prysutnaści cytrynavaj abo vocatnaj kisłot. Pry hetym maska znosaŭstojlivaja i całkam zachoŭvaje svaje achoŭnyja funkcyi paśla rehienieracyi. Vykarystoŭvać jaje možna na praciahu doŭhaha času.
