Volha Sieviaryniec u sudzie, fota Nadziei Bužan
8 lipienia ŭ sudzie Savieckaha rajona Minska sudździa Viera Hałaŭkova prysudziła čarhovyja 15 sutak Paŭłu Sieviaryncu. Sud prachodziŭ praz Skype.
Na hety raz jaho sudzili za zakliki da ŭdziełu ŭ akcyi kala Kamaroŭskaha rynku 7 červienia, jakaja prachodziła padčas pikietaŭ pa zbory podpisaŭ za alternatyŭnych vyłučencaŭ u kandydaty. 15 sutak niepasredna za ŭdzieł u akcyi Sieviaryniec atrymaŭ raniej.
Volha Sieviaryniec i žurnalisty pasprabavali pabačyć Paŭła na manitory, ale jaho adviarnuli ad ich.
Volha Sieviaryniec, fota Nadziei Bužan
Pavieł Sieviaryniec byŭ zatrymany miesiac tamu, paśla pikieta na Kamaroŭcy 7 červienia, i asudžany na 15 sutak. Na volu jon nie vyjšaŭ, padčas znachodžańnia na Akreścina jamu dadali jašče 15 sutak. Taksama za Paŭłam «visiać» nie adbytyja 30 sutak za śniežańskija akcyi pratestu suprać pahłyblenaj intehracyi.
Tak što na volu jon vyjdzie tolki 21 žniŭnia.
