Lubyja jakasnyja i ŭstojlivyja źmieny ŭ hramadstvie dy krainie źjaŭlajucca vynikam šmatetapnaj dziejnaści vialikaj kolkaści ŭdzielnikaŭ — nie tolki palitykaŭ, ale taksama aktyvistaŭ, hramadskich dziejačaŭ i lidaraŭ. Kab spryjać pazityŭnym źmienam u Biełarusi, Ruch «Za Svabodu» štohod ładzić svaju ŭłasnuju škołu dla maładych ludziej 18—35 hod, na jakuju zaprašaje ŭsich zacikaŭlenych i sioleta.
Ruch «Za Svabodu» pačaŭ nabor na dziasiatuju Letniuju škołu dla moładzi. U miežach navučańnia dla studentaŭ škoły buduć vykładać najlepšyja biełaruskija ekśpierty ŭ halinach ekanomiki, historyi, kulturałohii, palityčnaj teoryi, miedyja i inšych, a kožny ŭdzielnik škoły atrymaje mahčymaść realizavać ułasny prajekt u adpaviednaj tematyčnaj śfiery.
Sioleta pieršy błok navučańnia budzie prachodzić u lipieni ŭ anłajn-farmacie. Płanujecca praviadzieńnie dziesiaci zaniatkaŭ u viečarovy čas. Najlepšyja ŭdzielniki anłajn-škoły atrymajuć mahčymaść praciahnuć navučańnie ŭ druhim etapie, jaki płanujecca ažyćciavić u Polščy (arhanizatary zabiaśpiečvajuć usie vydatki i akazvajuć vizavuju padtrymku) abo realizavać ułasny prajekt pry padtrymcy Rucha «Za Svabodu».
Dla ŭdziełu treba zapoŭnić ankietu da 4 lipienia ŭklučna. Uzrostavyja abmiežavańni ŭdzielnikaŭ: 18—35 hod. Na padstavie hetaj infarmacyi budzie praviedzieny konkursny adbor, vyniki jakoha buduć abvieščany da 6 lipienia.
