81-hadovaja žycharka abłasnoha centra stała achviaraj machlara. Sa słoŭ piensijanierki, jana na praciahu dvuch miesiacaŭ pieradavała hrošy 41-hadovamu znajomamu svajoj dački, jaki abiacaŭ dapamahčy toj paźbiehnuć kryminalnaj adkaznaści. U vyniku dačku prysudzili da pakarańnia ŭ vyhladzie pazbaŭleńnia voli, a paciarpiełaja straciła bolš za 10 tysiač rubloŭ, paviedamlaje MUS.
Na čas śledstva fihurantku spravy ab machlarstvie aryštavali, čym i skarystaŭsia hamialčuk: pryjšoŭ da jaje maci i pierakanaŭ, što nibyta moža dapamahčy dačce paźbiehnuć kryminalnaj adkaznaści. Dla hetaha treba naniać dobraha advakata. Nasamreč mužčyna nie źbiraŭsia ničoha rabić i paprostu vymańvaŭ hrošy. Hatoŭku hamialčuk marnavaŭ na zabavy.
Padman vyjaviŭsia, kali dačku paciarpiełaj prysudzili da pazbaŭleńnia voli.
Raspačali kryminalnuju spravu za machlarstva ŭ bujnym pamiery.
